شیان هەنە ب پتریا رۆلان راببیت
سۆلین سلێمان:
ئەكتەرا گەنج (شادی نەجمەدین) كو خەلكا پارێزگەها سلێمانیێ یە و پەیمانگەها هونەرێن جوان ب دووماهی ئینایە، د دیدارەكێ دا بۆ رۆژنامەیا ئەڤرۆ گۆت: مەرەما من یا سەرەكی ئەوە كو بشێم ب رێیا ئەكتەریێ خزمەتا هونەرێ كوردی بكەم، هەروەسا جهێ خوە دناڤ دلێ خەلكەكی دا چێكەم.
هەروەسا گۆت: خێزانا من ب گشتی و هەڤژینێ من ب تایبەتی گەلەك پشتەڤانیا من دكەن كو ل سەر كارێ خوە بمینم و راستە بۆ دەمەكی یا بێدەنگ بووم، ئەو ژی ژبەر مژوولبوونا من بوو ب خواندنێ ڤە، لێ دۆبارە ب هاریكاریا هەڤژینێ خوە من دەستپێكر و ئەز دشێم گەلەك رۆلان بگێڕم، ئانكو هەر رۆلەكێ دەرهێنەر بدەنە من دێ شێم گێڕم، لێ ب مەرجەكی ژ كلتۆرێ خوە دەرنەكەڤم.
