ڕیال مەدرید و یۆڤانتۆس یاریێن ئاگرین هەنە
چاڤەڕێ دهێتە كرن ئەڤرۆ یاریێن گەڕا دویێ ژ قۆناغا كۆما یان قارەمانییا یانەیێن جیهانی مۆندیالا یانەیان 2025ـ چەند یاریێن دی بهێنە ئەنجامدان، ئەوا نوكە هەڤڕكیێن وێ ل وەلاتێ ئەمریكا دهینە كرن.
ژ كۆما حەفتێ بڕیارە ئەڤرۆ ل دەمژمێر حەفتی شەڤ تیما یۆڤانتۆس یا ئیتالی یارییا خوە یا دویێ ئەنجامبدەت، دەمێ بەرانبەر یانەیا ویداد ئەلریازی یا مەغربی دكەت، یۆڤانتۆس سەرێ لیستا كۆمێ دهێت ب سێ خالان، مانچستەر ستی یا ئەنگلتەرایی رێزا دویێ ب هەمان خالان، ویداد و عەین یا ئیماراتی بێ خال ڕێزێن سێیێ و چارێ دهێن، یارییا عەین و مانچستەر سوبەهی دەمژمێر چاری سپێدێ هێتە كرن.
ژلایێ خوەڤە یانەیا ریال مەدرید یا ئسپانی دێ ل دەمژمێر 10 شەڤ بەرانبەر یانەیا باچۆكا یا مەكسیكی ژ چارچووڤەیێ كۆما هەشتێ كەت، یانەیا ئسپانی ئەوا رێزا دویێ دهێت ب خالەكێ، باچۆكا رێزا چارێ دهێت بێ خال ئەوا یانەیا سالزبۆرگ رێزا ئێكێ دهێت ب سێ خالان و هیلال ب خالەكێ رێزا سێیێ دهێت، یارییا سالزبۆرگ و هیلال سوبەهی دەمژمێر ئێكی سپێدی دێ هێتە كرن.
