ژبەر شەڕێ ئیران و ئیسرائیلێ زەلالێ و هانایێ پشكدارییا نێڤدەولەتی ژ دەستدان
بڕیار بوو د ڤێ حەفتیێ دا هەردو كچێن پارێزگەهێ و یانەیا دهۆك زەلال سەعید و هانا ئاڤدەل دگەل هەلبژارتیێ ئیراقێ ل باژێرێ سری چایاواردنابۆرا كۆتی یێ پایتەختێ سریلانكا پشكداری د قارەمانییا پلەی چین كینچ یا نێڤدەولەتی دا بۆ یارییا تێنسا ئەردی كربا، لێ ئالۆز و شەڕێ دناڤبەرا هەردو وەلاتێن ئیران و ئیسرائیل بوو ئەگەر ڤێ پشكداریێ ژ دەست ب دەن
ل دۆر ڤێ یەكێ د داخویانیەكا تایبەت دا سەعید خەلیل ئەندامێ فدراسیۆنا تێنسا ئەردی یا ئیراقێ و سەرۆك شاندێ هەلبژارتیێ ئیراقێ بۆ رۆژنامەیا ئەڤرۆ گۆت: ل حەفتییا بۆری دەست ب هەڤڕكیێن قارەمانییا سریلانكا یا نێڤدەولەتی هاتیە كرن ئەوا دێ هەتا 23ێ ڤێ مەهێ بەردەوامبیت ب پشكدارییا زێدەتری 45 وەلاتان، ژ ئیراقێ چار یاریزانێن كچ پشكدارن ئەو ژی، حورا مونیر، هانا ئاڤدەل، زەلال سەعید و یەم ئەحمەد، دگەل ڕاهێنەرێ وان ئاڤدەل حەسەن كو ڕاهێنەرێ یانەیا دهۆكێ یە، لێ ژ نشكەكێ ڤە بڕیار هاتە دان ئەڤ پشكدارییە بهێتە هەلوەشاندن ژبەر كاودانێن نوكە یێن هەستیار و شەڕێ دناڤبەرا هەردو وەلاتێن ئیران و ئیسرائیلی، ئەڤچەندە ژی ژبەر كو ئەگەران بوو یا ئێكێ بۆ سلامەتییا شاندێ هەلبژارتیێ ئیراقێ و یا دویێ ژبەر ڕاوەستیانا هێلێن ئاسمانی یێن فروكەڤانی.
هەروەسان ناڤهاتی گۆت: سەرباری یاریزانێن مە ل دووڤ سیستەمەكێ ڕێكخستی و بەرنامەكێ تایبەت بەرهەڤی كربوون كو بشێن باشترین شێوە بۆ قارەمانیێ بەرهەڤییان بكەن، گەشبینی هەبوو كو دێ شێن ئاست و ئەنجامێن باش ئینن، لێ شەڕێ هەردو وەلاتێن ئیران و ئیسرائیل بۆ ڕێگر بكەهنە هیڤیێن خوە پشكداری هاتە هەلوەشاندن.
ژلایەكێ دووڤە سەعید خەلیلی ئەوچەندە ژی گۆت: دێ هەموو بزاڤان كەین پشتی ب دووماهی هاتنا شەڕ و ئارامی ب كەڤیتە دەڤەرا رۆژهەلات دۆبار تیما خوە بەرهەڤبكەن بۆ قارەمانیێن دووڤدا، پێنەڤێت هەردەم یاریزانێن دهۆكێ بووینە سەرەكی و پشكا شێری هەبووینە دناڤ ڕێزێن هەلبژارتیێ ئیراقێ ئەڤە ژی بەلگەیە ل سەر هەبوونا پلان و بەرنامەیێن پێشئێخستنا ئاستێ ڤێ وەرزشێ و هەبوونا ڕاهێنەرێن خودان شیان.
