ب گوژمێ پتر ژ 400 ملیۆن دۆلاران پڕۆژە ل زاخۆ هاتینە بجهئینان
زاخۆ، دلۆڤان هالۆ:
هێژا محەمەد، جێگرێ سەرپەرشتێ ئیدارا سەربخۆ یا زاخۆ بۆ ڕۆژناما ئەڤرۆ دیار كر كو ب گوژمێ پتر ژ 400 ملیۆن دۆلاران پڕۆژەیێن پیشەسازی و وەبەرهێنانێ ل ئیدارا سەربخۆ یا زاخۆ هاتینە بجهـئینان و هندەك ژی دێ ژ نوو كەڤنە د قووناغا كاركرنێ دا.
ناڤهاتی ئاماژە ب وێ چەندێ ژی كر كو كار ل سەر گەلەك پڕۆژەیان دهێتە كرن، ب تایبەت پڕۆژەیێن پیشەسازی یێن وەكو پیشەسازییا تڕۆمبێلان و پڕۆژەیێن وەبەرهێنانێ، ئەڤە ژی دێ بیتە ئەگەر گەلەك دەلیڤەیێن كاری پەیدا ببن.
هێژای گۆت: «پشتی ناحیا باتێلێ هاتیە سەر ب ئیدارا سەربخۆ یا زاخۆ ڤە، گەلەك داخوازییا ڤەكرنا كارگەهان دهێتە كرن، بۆ ڤێ چەندێ هەمی ئاسانكاری هاتینە كرن، داكو دەلیڤەیێن كاری بۆ خەلكی بهێنە پەیداكرن و وەبەرهێنەران ژی دەلیڤەیێن كاركرنێ هەبن».
