نەخۆشخانەیا هەڤچەرخ یا دینارتێ هاتە ڤەكرن
رەمەزان زەكەریا:
حكومەتا هەرێما كوردستانێ گرنگیەكا باش ب كەرتێ ساخلەمیێ دایە و چەندین نەخۆشخانە ئاڤاكرینە و چەندین نووژەنكرینە، بۆ جارا ئێكێ نەخۆشخانەیەكا هەڤچەرخا پێشكەفتی ژ جۆرێ A ل ناوچەداریا دینارتە هاتە دروستكرن و ڤەكرن.
نەخۆشخانەیا هەڤچەرخا دینارتە ب گوژمێ پتر ژ ملیار دیناران هاتیە دروستكرن، كو ئێكە ژ كارێن گرنگێن بۆ دەڤەرێ هاتیە كرن، ژ لایێ كابینەیا نەهێ یا حكومەتا هەرێما كوردستانێ ڤە، ناوچەداریا دینارتە گەلەك یا بەرفرەهە و 85 گوند ب سەرڤە هەنە و دێ مفایەكێ باش گەهینیتە خەلكێ دەڤەرێ.
نێچیرڤان فەخرەدین، پەیڤدارێ رێڤەبەریا ساخلەمیا ئاكرێ بۆ ئەڤرۆ گۆت: ب رەنگەكێ فەرمی نەخۆشخانەیا دینارتە هاتە ڤەكرنن بنگەهێ بەرێ یێ ساخلەمیا دینارتە هاتە گرتن».
گۆتژی: «ل نەخۆشخانەیا نوو دێ پێشوازیا نەخۆشان هێتە كرن، داخوازێ ژ هەموویان دكەین هاریكار بن ل گەل ستافێ نەخۆشخانەیێ، بۆ وێ چەندێ ب باشترین شێوە خزمەتا نەخۆشان بهێتە كرن».
