سێ پشكێن نوو ل كۆلیژا پەروەردەیا ئامێدیێ دێ هێنە ڤەكرن
ئامێدیێ، مەحمود نهێلی:
ژ بۆ پتر گرنگیدان ب كەرتێ خواندنا بلند و كارئاسانی بۆ قوتابیێن دەرچوویێن شەشیێ یێن ل دەڤەرا ئامێدیێ و ڤەكرنا پشكێن نوو ل پەیمانگەهـ و كۆلیژا ئامێدیێ، بڕیار هاتیەدان، سێ پشكێن نوو ل كۆلیژا پەروەردا بنیات ل ئامێدیێ بۆ سالا خواندنێ 2025 – 2026 بهێنە ڤەكرن.
د. نیعمەتوللا حامد نهێلی، راگرێ كۆلیژا پەروەردا بنیات ل ئامێدیێ بۆ رۆژناما ئەڤرۆ دیار كر، سال بۆ سالێ زێدەتر پشكێن زانستی و وێژەیی ل كۆلیژا پەروەردا ئامێدیێ، ل دووڤ پێدڤییاتێن دەڤەرێ و دەرچوویێن 12ێ ئامادەیی دهێنە ڤەكرن و گۆت: «بۆ سالا بهێت یا خواندنێ، بڕیارە هاتیەدان سێ پشكێن نوو ل كۆلیژا پەروەردا بنیات یا ئامێدیێ بهێنە ڤەكرن، ئەڤ پشكە ژی ل دووڤ پێدڤیاتیێن دەڤەرا ئامێدیێ بووینە».
گۆتژی: «پشكا زمانێ كوردی، زمانێ عەرەبی و باخچەیێن زارۆیان، ئەڤ سالە دێ هێنە ڤەكرن و قوتابی لێ هێنە وەرگرتن».
