كارێ من و ژیانا من هەموو بووینە وێنەگرتن
زنار تۆڤی:
وێنەگر (ئیبراهیم عەلیپۆر) كو خەلكێ باژێرێ بانەیە ل رۆژهەلاتێ كوردستانێ، د دیدارەكێ دا بۆ رۆژناما ئەڤرۆ گۆت: ئەڤە نێزیكی 15 سالانە ل وی باژێری ئەز كارێ وێنەگریێ دكەم، پرانیا وێەنەیێن من دەربارەی كوردان و كێشێن كوردستانێ یێن كو ل ڤێ دەڤەرێ دا هەین، د گەنجاتیا خوە دا من كارێ وێنەگریێ كریە و ئەز ئاشقێ وێنەگرتنێ بووم و من گەلەك حەز ژ ڤی كاری كریە، د نوكە دا كارێ من و ژیانا من هەموو بوویە وێنەگرتن.
هەروەسا گۆت: ل دەستپێكێ من وێنەیێن ژینگەهێ و سرۆشتێ كوردستانێ د گرتن، پاشی من زانی، مە پێدڤی ب وێنەیێن دیكیۆمێنتاری هەیە، پشتی چار سالێن كاركرنێ ئێدی من وێنەیێن سرۆشتی نەگرتن و ب تنێ وێنەیێن خەلكی و یێن دیكیۆمێنتاری من گرتن، من هەستپێكر، كو مە پێدڤی ب وێنێن دیكیۆمێنتاری هەیە، ب تایبەتی ژی ل رۆژهەلاتا ناڤین.
