کەنگی پەریزادە پێدڤی ب نشتەرگەریێ دبیت؟
د. بهار عادل عەزیز، تایبه‌تمه‌ندا نشته‌رگه‌ریا گشتى دیاركر غوده یان رژێنا په‌ریزادێ ئه‌ندامه‌كێ گه‌له‌ك گرنگه دله‌شى دا، و گه‌له‌كێ بچووكه و دكه‌ڤیته بنێ حه‌فكا مرۆڤى و رۆله‌كێ سه‌ره‌كى ل سه‌ر هه‌می ئه‌ندامێن له‌شێ مرۆڤى هەیە، هه‌ر ژ ده‌روونێ مرۆڤى و زه‌ڤله‌كێن دلى و زه‌ڤله‌كێن دى، هه‌روەسا ل ده‌ف ژنان كارتێكرنێ ل دوگیانبوونا وان دكه‌ت ژبه رهندێ یا گرنكه ئه‌ڤ رژێنه، وگۆت: ئه‌ف رژێنه هنده‌ك هورمونا به‌رده‌ت، وەکو T3 و T4 و گۆت: دو جورێن سه‌ره‌كى یێن غودێ هه‌نه، ئێك ئه‌گه‌ر غوده گه‌له‌ك كاربكه‌ت دبێژنێ غوده سامه یان یا ژەهراوی و یا دوێ ده‌مێ غوده كارنه‌كه‌ت دبێژنێ غودا كسلان، ده‌مێ غوده كارنه‌كه‌ت مرۆڤ بێ زه‌وق دبیت و ئێشان دلەەشیدا په‌یدادبیت و پتریا زه‌ڤله‌كێن وان دئێشن و خو لبه‌ر سه‌رمایێ ناگریت و دوگیانبوونا ژنان گیرۆدكه‌ت و ده‌ورێن وان تێكدچن و كێشا وان زێده‌دبیت بێ كو گه‌له‌ك خوارنێ بخۆن، وگۆتژى: ده‌مێ دبیته غودا سام و زێده‌كاربكه‌ت وى ده‌مى نه‌خۆش هه‌ست ب نه‌ئارامیێ دكه‌ت و دلێ وى زێده‌لێده‌ت و ده‌ستێن وى دله‌رزن و وه‌زنێ وان كێم دبیت و كێم خوارنێ دخۆت و هه‌وره‌سا كارتێكرنێ ل عادا هەیڤانە دكه‌ت، توورە دبن و ته‌حه‌ملا گه‌رمێ ناكه‌ن.
د. بهار عادل عەزیز دیاكر ژی هه‌مى گرێكێن حه‌فكێ نه غوده‌نه، گه‌له‌كێن دى ل حه‌فكێ هه‌نه وه‌ك غودێن لیمفاوى، ئه‌وژى دبیت مه‌زن ببن و ل حەفكێ هه‌نه و گرێك هه‌نه ل سه‌ر ده‌مارێن عه‌سه‌بى و گرێكێن كیسا هه‌نه یێن دوهنى ئه‌ڤه‌ژی ل غودێ په‌یدادبن، وگوت: گرێكێن نورمال و گرێكێن په‌نجه‌شێرێ دغودێ دا چێدبن و ده‌مێ غوده هه‌مى وه‌ك گرێكا لێدهێت، كارتێكرنێ ل هه‌ناسا نه‌خۆشى دكه‌ت و بێهنا وى ته‌نگدبیت و نه‌شێت خوارنێ بداعویرت وكارتێكرنێ لسه‌ر حه‌بلێ ده‌نگى دكه‌ت ل ڤان ده‌ما كارتێكرنێ ل غودێ دكه‌ت، وگۆتژى: ئه‌گه‌ر گرێكێ نیشانێن په‌نجه‌شێرێ هه‌بن پێدڤیه غوده هه‌مى بهێته‌راكرن یان ئه‌گه‌ر كیس ل غودێ دروستبوون و چه‌ند جاران ئاڤ ژ وى كیسى كێشان و زڤریڤه یان ده‌مێ غوده هه‌مى دبنه گرێ پێدڤیه بهێته راكرن، ئه‌وێن غودا وان گه‌له‌ك كاركه‌ت و گرێك ژی نه‌بن و تا ساله‌ك و نیڤا چاره‌سه‌ریا وه‌ردگرن و چ مفایى ژێ نه‌بینن د وى ده‌میدا غوده نه ژبه‌ر گرێكێ به‌لكو ژبه‌ر كارێ وێ یێ زێده دێ هه‌موو هێته‌ركرن.
زێده‌تر گۆت: ده‌مێ غودێ نیشانێن په‌نجه‌شێرێ هه‌بن یا باشتر ئه‌وه خر بهێته‌راكرن، لێ هنده‌ك جاران كیسك ل لایه‌كێ غودێ دروستدبیت و پشتى زه‌رعكرنێ و دیاردبیت نه كیسه‌كێ خرابه وى ده‌مى دروسته لایه‌كێ غودێ ب تنێ بهێته‌راكرن، وگوتژى: ده‌مێ هه‌مى دبیته گرێك یا باشتره هه‌مى بهێته‌راکرن چونكو ره‌نگه ئه‌وا دمینیت ئه‌وژى مه‌زن ببیت كارتێكرنێ له سه‌ر ساخله‌میا نه‌خۆشى بكه‌ت، راكرنا پشکەکێ و یان هه‌میێ ب په‌نجا گشتى دهێته‌كرن، و پێدڤیه ئه‌و نه‌خۆشێ ڤان نیشانا دبینیت سه‌رەدانا نۆشدارى بكه‌ت و هه‌رده‌مێ گرێیه‌ك دیت وى ده‌مى ژی پێدڤیه سه‌ره‌دانا نشته‌رگه‌ره‌كى بكه‌ت.
