فدراسیۆنا فوتبۆلا كوردستانێ: ژبەر رەوشا نوكە خولا پلا سێیێ هاتە هەلوەشاندن
رەمەزان زەكەریا
د دووماهی كۆمبوونا خوە دا فدراسیۆنا ئێكەتیا تەپا پێی یا كوردستانێ بریاردا خولا پلا سێ بۆ وەرزێ ئەڤ سالە نەهێتە كرن و هەموو یانەیێن ئەڤێ پلەیێ پێشڤە بچنە پلا دو ئەڤچەندە ژی ژبەر رەوشا كوردستانێ و مەرەم پێ ژی وەرزەی خولا پلا سێ یا كوردستانێ ب رێڤە ناچیت.
هەر دبڕیارێن خوە دا هاتییە، ب مەرەما زێدەتر دەلیڤەدان بۆ یاریزانێن تازەپێگەهشتی رێك هاتە دان یاریكرنێ ب پێنچ یاریزانێن كێمتر دژیێ 20 دا پشكداری تیما خوە یا پێشكەڤتی بن د چالاكیێن وەرزێ نوو دا، هەروەسان هەموو یاریزانان مافێ ڤەگۆهاستنێ هەیە بۆ یانەیەكا دی ب مەرجەكێ یاری بۆ تیما خوە یا پێشكەفتیان نەكربیت و مافێ دەستبەرداربوونێ ل گەل خوە ببەت بۆ وێ یانەیا یاریێ بۆ دكەت.
فدراسیۆنێ ئاشكراكریە كو رێك هاتیە دان بۆ سەرپەرشتیارێن یانەیێن خولا نایاب و پلا ئێك ب هەمان ئەرك سەرپەرشتیا تیمێن خوە یێن بۆ خولا كێمتر 20 سالیێ بكەن ب مەرجەكێ سزایێ راگرتنێ ل سەر نەبیت ژبلی سەرپەرشتیاریێ نەشێت چ ئەركێن دی وەرگریت.
راگەهاندنا فدراسیۆنا فوتبۆلا كوردستانێ گۆتیە: زێدەكرنا پێنج یاریزانا د لیستا ناڤێ یاریزانا ل خولا خوارێ20 سالی ژ 25 یاریزانا بۆ 30 یاریزانا و پێنچ رۆژان مۆلەت بۆ هەموو یانەیا هەتا كو یاریزانێن زێدەكری بنێرن.
