رۆسیا: چەکێ ئەتۆمی نادەینە ئیرانێ
جێگرێ سەرۆکێ جڤاتا ئاسایشا نەتەوەیی یا رۆسیا دیار کر، ئەو پشتەڤانیێ ل راگەهاندنا ئاگربەستێ یا د ناڤبەرا ئیرانێ و ئسرائیلێ دا دکەن و ئەو یەک ژ بۆ ئارامیا ل رۆژهەلاتا ناڤین ژی گەلەک گرنگە، وان بەری نها ژی پشتەڤانیا خوە بۆ گەلێ ئیرانێ دیار کربوون، لێ رۆسیا ب چو رەنگەکی چەکێ ئەتۆمی نادەتە ئیرانێ.
ئەڤ داخویانیا بەرپرسێ بلند یێ رۆسیا د دەمەکێ دایە، کو بەری چەند رۆژان هندەک ژ دەزگەهێن راگەهاندنا ئیرانێ ئاماژە ب ڤێ یەکێ کربوون، هەکە شەڕێ د ناڤبەرا وان و ئسرائیلێ دا بەردەوام بیت رۆسیا دێ پشتەڤانیا ئیرانێ کەت و دێ چەکێ ئەتۆمی ژی دەتە ئیرانێ و ل هەمبەر دا بەری دو رۆژان سەرۆکێ ئەمریکا ژی دیار کربوو دڤێت بەرپرسێن رۆسیا یاریێ ب ئاگری نەکەن و چەکێ ئەتۆمی یێ ئەمریکا گەلەک ژ یێ رۆسیا پێشکەفتیترە و گرنگە بەرپرسێن رۆسیا نەبنە ئەگەرێ روودانا کارەساتێن مەزن بۆ هەموو جیهانێ.
