دڤێت رۆتین د ناڤ دامودەزگەهێن خزمەتگۆزاری دا بهێتە كێمكرن
رەمەزان زەكەریا:
د. دلاوەر بوزۆ میكائیل، دەڤەردارێ ئاكرێ، ل دیوانا دەڤەرداریێ ب بەرهەڤبوونا رێڤەبەرێن ناوچەداریا دینارتە و گردەسێن و بجیل و هەژمارەكا رێڤەبەرێن پەیوەندیدار ل ئاكرێ سەرپەرشتیا كۆمبوونەكا بەرفرەهـ كر و د كۆمبوونێ دا بەحسێ رەوشا دەڤەرێ و بەرنامێن حكومەتا هەرێما كوردستانێ د بیاڤێ ئاڤەدانكرنێ و گەهاندنا پڕۆژەیێن خزمەتگوزاری دا بۆ وەلاتیان كر.
ناڤهاتی گۆت: «دڤێت بەردەوام دووڤچوونا پڕۆژەیێن خزمەتگوزاری بهێتە كرن و داخوازیێن وەلاتیان ل بەرچاڤ بهێنە وەرگرتن و رۆتین د ناڤ دەزگەهێن خزمەتگوزاری دا بهێتە كێمكرن، رێز ل وەلاتیان بهێتە گرتن و ب جوانترین شێوە خزمەتا خەلكێ دەڤەرێ بهێتە كرن».
