یلنجی سەرباركا هەموو خوارنانە
هێلین سالم:
ئیسرا قاسم، خانمەكا خەلكا دهۆكێ یە، شارەزاری د چێكرنا هژمارەكا زۆرا جۆرێن خوارنێن كوردی و بیانی دا، هەروەسا چەندین جۆرێن كێكا و شریناهیان دا هەیە، د دیدارەكێ دا بۆ رۆژنامەیا ئەڤرۆ دبێژیت: ل سالا 2021 من جهەكێ تایبەت بۆ خوە ڤەكریە و ل دووف داخوازیان ب رێكا ئۆنلاین كاردكەم، خەلك هەموو جۆرێن خوارن و شریناهیان ژ من داخواز دكەن، لێ خوارنا ژ هەموویان پتر داخوازی ل سەر هەی دبێژنێ (یلنجی) كو ئەو ژی ئیپراخێن بەلگێن مێوانە و سەرباركا هەموو خوارنانە، ب گۆشتی ل سەر شێوێ كێكێ دهێنە چێكرن، دبنەرەتدا ئەڤ خوارنە سوری یە، لێ ئەز هندەك گۆهۆڕینان تێدا دكەم، هەروەسا گەلەك داخوازی ل سەر (كادا) ژی هەنە.
هەروەسا گۆت: ئەزا دلخۆشم ب كارێ خوە كو دشێم داهاتەكی بۆ مالا خوە پەیدا بكەم، هەروەسا دەلیڤەیا كاری بۆ هندەكێن دی پەیدا بكەم و نوكە سێ كارمەند ل دەف من كاردكەن و سوپاسیا مالا خوە دكەم كو هەردەم ئەو پشتەڤانێن سەرەكی نە.
