كەیفخۆش دبم دەمێ دلێ زارۆكان خۆش دكەم
سندس سالح سلێڤانەیی:
سەحەر عیسا عەبدوللا، كچەكا بەهرەمەندا خەلكا دهۆكێ یە، دژیەكێ بچووكدا حەزا چێكرنا وێنەیان، ب تایبەت ژی نەخشاندن و چێكرنا وێنەیان و دانانا خەنایێ ل سەر دەست و دێمێ زارۆكان هەبوو، پشتی باش شارەزا بووی ب هاریكاریا مالا خوە شیا جهەكێ تایبەت بۆ خوە ڤەكەت و دبێژیت: دەمێ ئەز دشێم خزمەتا زارۆكەكی/زارۆكەكێ بكەم و ئەو ب كارێ من كەیفخۆش دبیت ئەز دو جاران هندی وی/وێ كەیفخۆش دبم.
سەحەرێ بۆ رۆژنامەیا ئەڤرۆ دبێژیت: حەزا من بۆ ڤی كاری بۆ بەری چەندین سالان دزڤڕیت و ب رێكا یوتیۆپی بەردەوام من بزاڤ دكرن خوە پێشبێخم، پاشان من كارێ بەرێز (جومعە ئارت) دیت كو شێوەكارەكێ بەرنیاسە د سۆشیالێ دا و من ژێ خواست كو من فێری ڤی كاری بكەت، ب سوپاسی ڤە رازی بوو بۆ دەمێ چەند هەیڤان من ل دەف كاركر و پشتی ئەز شارەزا بوویم نوكە من جهێ خوە یێ تایبەت ل باغچەیێ گیانەوەران هەیە و سوپاس بۆ خودێ دشێم هەتا رادەیەكی هاریكاریا مالا خوە ژی بكەم، لەورا یا دلخۆش و ئارامم.
