جۆتیارەكێ دەڤەرا شێخان دبیتە ئێكەم جۆتیار ل سەر ئاستێ ئیراقێ
شێخان، بارزان مزووری:
بەشیر جەلیل عەزیز، جۆتیارەكێ دەڤەرا شێخانە، ل گوندێ زیناڤا دژیت، بۆ رۆژناما ئەڤرۆ دیار كر، ئەو ژ سالا 2005 هەتا نوكە كارێ چاندنا پتاتان دكەت و دبێژیت: ئەڤە زێدەتری حەفت سالایە، ئەز وەكو جۆتیارەكێ نموونە دهێمە هەژمارتن.
ناڤبری گۆت: «ل سالا بۆری ب پشتەڤانیا سەرۆكێ حكومەتا هەرێما كوردستانێ بەرهەمێ پتاتێن وی بۆ وەلاتێ ئیمارات هاتبوو هنارتن، دیسا ژ بەر كارێ من یێ سەركەفتیانە د چاندنا پتاتان دا، ل دەڤەرا شێخان رێز ل من دهێتە گرتن و ل سەر ئاستێ ئیراقێ و كوردستانێ ژی ب ئێكەم جۆتیار دهێمە هەژمارتن».
گۆتژی: «ئەز حەفت جۆرێن پتاتان دچینم، ل دەستپێكێ من پێنج دۆنەمێن ئەردی د چاندن، لێ نوكە ئەز 300 دۆنەمێن ئەردی ب پتاتان دچینم».
