كچ زووتر فێری شۆفێریێ دبن
هێلین سالم:
هلبین میكائیل، كچەكا خەلكا دهۆكێ یە، بۆ دەمێ هەشت وەك راهێنەرا شۆفێران كاردكەت، د دیدارەكێ دا بۆ رۆژنامەیا ئەڤرۆ دبێژیت: دژیەكێ بچووكدا من حەزژ هاژۆتنێ ترۆمبێلێ دكر، پشتی من پشكداری دخولەكا فێركرنێ دا كری پتر جورئەت بۆ من چێبوو كو یا بەردەوم بم و باب و برا ژی د پشتەڤان بوون.
هەروەسا گۆت: پشتی شارەزاییەكا باش ئەز بۆمە راهێنەر و هەتا نوكە هژمارەكا زۆرا كچ و ژنان ل بەر دەستێ من فێری شۆفێریێ بووینە، لێ پشتی موولەتا شۆفێریێ هاتیە گۆهۆڕین ل دەستپێكێ دێ ناڤێ خوە ل رێڤەبەریا هاتن و چوونێ نڤیسیت پاشی دێ هێتە نڤیسینگەهێن فێركرنێ و (12) رۆژان دێ راهێنان پێ هێننەكرن، راهێنەرێن كچ بتنێ كچ و ژنان فێردكەت و ژن هەبووینە د سەر (50) سالیێ دا فێری شۆفێریێ بووینە، لێ كچ زووتر فێری شۆفێریێ دبن، چنكو هزرێن ژنان پتر ل سەر مال و زارۆكێن وانە، بۆ زانین رێڤەبەریا هاتن و چوونێ گەلەك دگەل مە یا هاریكارە.
