ماددەیێن بیهۆشکەر فشارێن دەروونی زێدەدکەن
د. ره‌سول سه‌برى، دیاركركو ئیدمان دكه‌ڤیته ل ژێر خێزانا نه‌خۆشێێن ده‌روونى ئه‌وژى توشبوون ب مادده‌یێن بێهوشکه‌رە کو گه‌له‌ك جۆر هه‌نه كارتێكرنێ ل سه‌ر ساخله‌میا مرۆڤی دكه‌ن”.
ناڤهاتى ئه‌وژى ئاشكه‌را كركو ئه‌و كه‌سێن کەرستێن بێهوشکه‌ر بكاردئینن پتر تووشى گڤاشتنێن ده‌روونى دبن و چ خۆشى تێدا نینه و ئه‌و كه‌سێن ب كاردئینن تووشى چه‌ندین شاشیان دبن دگه‌ل بوورینا ده‌می دا، چونكو ده‌مێ مەژی فێر دبیت ئیدمان دروست دبیت بۆ وی كه‌سی و هه‌كه ب كارنه‌ئینیت تێك دچیت و گه‌له‌ك هزرێن خه‌له‌ت دێ بۆ وی كه‌سێ دروست بن .
د. ره‌سول سه‌برى، خویا ژى كركو دله‌راوەكی بۆ وان كه‌سان دروست دبیت و خه‌وا وێ تێكدچیت هه‌تا سیسته‌مێ خوارنا وانژی تێك دچیت و تووشی ئاریشه‌یێن ده‌روونی دبیت وه‌كو ترس و ئالوزی ل سه‌ر ره‌فتارین خه‌له‌ت هه‌تا هنده‌ك كه‌س هه‌نه دبیت رێژا ب کارئینانا وێ زێده بكه‌ت داكو خۆ ژ ره‌فتارین خراب دوور بكه‌ت، لێ پتر تووشى نه‌خۆشیان دبیت، له‌ورا نابیت مرۆڤ ژ ئاریشێ ب ره‌ڤیت پێدڤیه چاره‌سه‌ریا خوە بكه‌ت و خوە ژ ڤان ماده‌یێن خراب دوور بكه‌ت”.
ئالوودەبوون ب کەرستێن بێهۆشکەر گۆرانکاریێن نەرێنی یێن بەرچاڤ د هزر و رەفتار و هەستێن مرۆڤی دا دروست دکەن و ئەڤ گورانکاریێن نەرێنی دێ بنە ئەگەر و پالدەر بۆ تۆشبوونا ئالۆدەبوویی ب هندەک جۆرێن دیتر ژ نەخۆشیێن دەروونی.
