ئیران: ئسرائیل پێگیریێ ب ئاگربەستێ ناکەت
سەرۆک ئەرکانێ لەشکرێ ئیرانێ د داخویانیەکێ دا دیار کر، کو ئسرائیل پێگیریێ ب ئاگربەستێ ناکەت و ئەو وەسا دبینن دێ دیسان ئسرائیل ئێرشی ئیرانێ کەت، هەرچەندە بەری نها ئەمریکا دیار کربوو ئەو ناهێلن جارەکا دی ئسرائیل ئێرشی ئیرانێ بکەت، لێ هەلوەستێ نها یێ ئەمریکا ژی باش نینە و ترامپ جهێ باوەریێ نینە و دبیت ئسرائیل جارەکا دی ئێرشی ئیرانێ بکەت.
عەبدولرەحیم سەفەوی ئەو یەک ژی دیار کریە، وان خوە بۆ هەر ئەگەرەکێ بەرهەڤ کرینە و هەکە ئسرائیل جارەکا دی ئێرشی ئیرانێ بکەت دێ بەرسڤا ئیرانێ گەلەک یا توند بیت، چونکی ئسرائیلێ هەموو قانوونێن نێڤدەولەتی بنپێکرینە.
چاڤدێرێن سیاسی ل ئیرانێ ژی دیار دکەن، ئەمریکا و ئسرائیل ل ژێر ناڤێ ئاگربەستێ دخوازن ئێرشەکا دی یا دژوار بکەنە سەر ئیرانێ، چونکی راگەهاندنا ئاگربەستێ تنێ بۆ ڤێ یەکێ یە دا ئسرائیل و ئەمریکا خوە بۆ شەڕەکێ نوو ل دژی ئیرانێ بەرهەڤ بکەن.
