وەهبی مەهدی: تایكواندۆیا تەناهیێ پێنگاڤێن باش د هاڤێژیت
شاهۆ فەرید:
د داخویانیەكێ دا وەهبی مەهدێ راهێنەرێ تیما تایكواندۆیا یانەیا تەناهی بۆ رۆژنامەیا ئەڤرۆ دیار كر پشتی پشكدارییا تیما وی د قارەمانییا نێڤدەولەتی یا ڤەكری ل هەولێرا پایتەخت دا كری و یاریزانێن وی شیاین شەش میدالیانب دەستخوەڤە بینن، ئەڤچەندە بەلگەیە كو پێنگاڤێن باش دهێنە هاڤێژتن.
زێدەتر ناڤهاتی گۆت: هەرچەندە كاواندنێن دارایی یێ هەستیار و نە بوونا پشتەڤانیێ لێ وەكو تیما تایكواندۆییا تەناهی مە ب پلان كار كرییە ژبۆ دانانا بنیاتەكێ ئەكادیمی یێ یاریزانان، پێنگاڤا ئێكێ یا مە پشتی ڕاهێنانێن بەردەوام پشكداری بوو د قارەمانییا نێڤدەولەتی دا ئەوا لڤێ دووماهیێ هەولیرا پایتەخت مێڤاندارییا وێ كری سەرباری لاوازییا دارای یلێ ئەم ڕژدبووین و مە ب شیانێن خوە یێن كەسكۆكی و ل سەر كیستێ خوە پشكداری كربوو ، هەرچەندە یاریزانەكێ مە ژی توشی هنگاڤتنێ بوو، لێ مە نەهێلا كارتێكرن مە بكەت.
هەروەسان وەهبی مەهدی گۆت: هەرچەندە مەرەما مە یا سەری د پشكداریێ دا وەرگرتنا شارەزاهیێ بوو لێ دەستڤە ئینانا شەش میدالیێن ڕەنگین ڕامانا وێ پێنگاڤ و پلانێن مە د سەركەڤتینە و هەكە پشتەڤانی هەبیت دێ ئەنجامێن باش و سەركەڤتی هەبن، وەكو ڕاهێنەر ژی ڕێك بوو من دهێتە دان وەكو یاریزان پشكداریی د قارەمانیێن نێڤدەولەتی دا بكەن ب هەبوونا پشتەڤانیێ ئەنجامێن سەركەڤتی دێ هەبن لێ هەكە پشتەڤانی نە بیت بزەحمەتە.
