یاریزانێن دهۆكێ ئاستەكێ لاواز د قارەمانییا سنۆكەرێ دا نیشادان
شاهۆ فەرید:
پشتی ب دووماهی هاتنا هەڤڕكیێن قارەمانییا یارییا سنوكەرێ ل سەر ئاستێ كوردستانێ ئەوا ل باژێرێ دهۆكێ هاتییە كرن، ئەوا هەر ئێك ژ یاریزان بەختیار محەمەد رێزا ئێكێ ب دەستڤە ئینا و عومەر جومعە رێزا دویێ هات.
ل دۆر ڤێ یەكێ محەمەد حسێن سەرۆكێ فدراسیونا كوردستانێ بۆ رۆژنامەیا ئەڤرۆ گۆت: پشتی ڤەقەتیانەكا درێژ باژێرێ دهۆكێ دووبارە مێڤانداریكر و قارەمانی ڤەگەریا، مە پێنگاڤێن باش هاڤێتینە بۆ دەمەكێ دیتر دگەل پێكئینانا كابینا نوو یا حكومەتا هەرێما كوردستانێ دێ چەندین جورە چالاكیێن دی هەبن، دهوك خودانا چەندین هولێن باشە لسەر ئاستێ كوردستانێ بۆ یاریا بلیاردێ، ژبلی دانا كوپایێ كوژمەكێ پارەیی بۆ یاریزانێن سەركەفتی هاتەدان، پێنگاڤێن داهاتی دا كوژمێ پارەیی زێدەبكەین دا هەڤركی پتر بكەڤیتە دناڤبەرا یاریزانا دا، ئەم دگەل لژنەیا ئۆلمپی بزاڤان دكەین قارەمانیەكێ مێهڤان بكەین یا چواریانی دەمێ بهێت دا، پلان مە دانایە رێگریێ ل وان كەسان بكەین یێن خولان سەرا پارەیی ڤەدكەن دەمەكێ نێزیك مە نڤیسارەكا فەرمی داخازا قەردەغەكرنا وان جورە خولا كریە.
ژلایەكێ دووڤە ئەحمەد سەلاح جێگرێ سەروكێ فێدراسیونا دهۆكێ گۆت: كێشا سەرەكی بۆ هەر قارەمانیەكێ ماددەیە بی پالپشتی نە ژلایێ یانەیان ڤە تایبەت و فدراسیون ژی ل دووڤ پێچێبوونا خوە هاریكاریێ دكەت، یاریزان ژی گازندا وێ چەندێ دكەن چ پالپشتی بۆ وان ناهێتەكرن، سپونسەریا ئەڤێ قارەمانیێ كاك دارا سەلاحی هەموو ستویێ خوەڤە گرێدا، ئەم دشێن سالانە قارەمانێن باش بینە دهۆكێ لێ ژبەر نەبوونا هاریكاریێ ژلایێ كومپانیا ڤە كارتێكرن مە كریە.
هەروەسان ناڤهاتی گۆت: ئەڤێ قارەمانیێ ئاستێ یاریزانێن مە دیاركر كا چ رەوشێ دانە دێ بزاڤان كەین بۆ قارەمانیێن بهێت پتر هەڤركیێ بكەین، ئەڤ سالە یاریزانێن دهۆكێ زاخۆ پێكڤە یاریی بۆ ناڤێ پارێزگەهیێ دكرن، ئەم شیایین سەركەفتیانە قارەمانیا سنوكەرێ رێكبێخین.
