سه‌رۆکێ ئه‌مریکـا سزایێن ل سـه‌ر سـووریێ راکـرن
دۆنالد ترامپ سه‌رۆکێ ئه‌مریکا راگه‌هاند کو وی گه‌مارۆیێن ئابووری یێن ل سووریێ راکریە. د ڤێ مژارێ مالپه‌را کۆچکا سپی داخویانیه‌ک به‌لاڤکر و راگه‌هاند کو سه‌رۆک ترامپ سزایێن ل سه‌ر سووریێ راکرینە دا سووریێ بگه‌هیته ئارامیێ و ئاشتی پێک بهێت و ژ بەر ڤێ یەکێ ژی ترامپی بریار دایە سزایێن ل سەر سووریێ بهێنە راکرن.
د پشکه‌کا دی یا داخویانیێ دا ئاماژە ب ڤێ یەکێ ژی هاتیە کرن، کو ترامپ دڤێت رەوشا سووریێ باشتر لێ بهێت و ژ بەر ڤێ یەکێ ژی ب گرنگ زانیە نها سزایێن ل سەر سووریێ بهێنە راکرن، لێ ئەو کەسێن کو بەری نها ل سووریێ دەستێ وان د تاوانێن ل دژی مرۆڤاتیێ دا هەنە و پشتەڤانی ل ئیرانێ کرینە، سزا ژ وان کەسان ناگریت.
هەژی ئاماژەپێدانێ یە کو د سەرەدانا خوە یا بۆ عەرەبستانا سعوودیێ دا و ل سەر داخوازا شازادە بن سەلمان، سەرۆکێ ئەمریکا بریار دابوو سزایێن ل سەر سووریێ راکەت.
