نەتانیاهۆ دێ چیتە ئەمریکـا
سەرۆک وەزیرێن ئسرائیلێ راگەهاند حەفتیا بهێت دێ سەرەدانا ئەمریکا کەت و ل گەل سەرۆکێ ئەمریکا دۆنالد ترامپ و بەرپرسێن دی یێن وی وەلاتی کۆمبیت، هندەک کارێن گرنگ هەنە د ناڤبەرا ئەمریکا و ئسرائیلێ دا و دڤێت بەحسێ وان بهێتە کرن.
بەرپرسەکێ ئیرانێ ژی کو نەخواستیە ناڤێ وی بهێتە ئاشکرا کرن بۆ ئاژانسا ئیرنا یا وی وەلاتی دیار کریە، ئەمریکا و ئسرائیل خوە بۆ شەڕەکێ نوو ل دژی ئیرانێ بەرهەڤ دکەن، نەتانیاهۆ دێ چیتە ئەمریکا و دێ چەندین گرێبەستێن نوو یێن کڕینا چەکی ئیمزا کەت، ئەمریکا ژی دێ پشتەڤانیێ ل ئسرائیلێ کەت و دێ ئسرائیل ڤێجارێ ئێرشەکا گەلەک دژوارتر ژ یا بەری نها کەتە سەر ئیرانێ، ژ بەر ڤێ یەکێ ژی دڤێت ئیران خوە ئێکلا بکەت، یان ل گەل ئەمریکا دانوستاندنان بکەت یان ژی خوە بۆ شەڕەکێ دەمدرێژ ل دژی ئسرائیلێ ئامادە بکەت، چونکی سەرەدانا ڤێجارێ یا نەتانیاهۆیی تنێ ژ بەر ئیرانێ یە.
