بەرپرسێ لقێ 18: پرۆسەیا ئاشتیێ بۆ ئارامیا رەوشا دەڤەرا مە یا گرنگە
بەهرام عریف یاسین، ئەندامێ كۆمیتا ناڤەندی و بەرپرسێ لقێ 18 یێ پارتی ل ئامێدیێ، سمینارەك بۆ خەلكێ دەڤەرا بەرواری ژێریا ل ناوچەدارییا چەمانكێ پێشكێشكر و تێدا دیار كر، بزاڤێن پارتی ژ بۆ پێكئینانا حكومەتەكا ئێكگرتی و بهێز و خزمەتكار دبەردەوامن و دبێژیت: مە باوەریا رەها ب سیاسەتا حەكیمانە یا مەرجەع و سەرۆك بارزانی هەیە و بزاڤێن بەردەوامێن حكومەتا هەرێمێ ژ بۆ نەهێلانا ڤێ رەوشێ و دابینكرنا مووچەی و مسوگەركرنا خوشگوزەرانیێ بۆ هەموو كوردستانییان دبەردەوامن.
ناڤهاتی تەكەزی ل سەر گرنگییا هەبوونا ئێكرێزی و ئێكهەلوەستیێ كر و گۆت: «پرۆسەیا ئاشتیێ د ناڤبەرا توركیا و پەكەكێ دا و گرنگیا سەركەفتنا وێ و كارڤەدانێن وێ یێن ئەرێنی ل سەر هەرێمێ ب گشتی و دەڤەرا ئامێدیێ ب تایبەتی هەنە، دیسا ئەم د گەشبینین كێشەیێن د ناڤبەرا ئیراقێ و هەرێمێ دا ب دانوستاندنان دێ هێنە چارەسەركرن و ئەڤ رەوشە دێ دەرباز بیت».
