ئەڤرۆ دێ دەست ب خولا كوردستانێ یا لاوان هێتە كرن
بڕیارە ئەڤرۆ دەست ب هەڤڕكیێن وەرزێ نوو یا خولا كوردستانێ یا فوتبۆلێ ل سەر ئاستێ لاوان بهێنە كرن، ئەوا 26 یانە پشكدارن و هاتینە بەلاڤكرن ل سەر شەش كۆمان ل دووڤ خوەجهییا ئەوا یانەیان، ل پارێزگەها دهۆكێ چار یانە پشكدارن.
یاریێن گەڕا ئێكێ یێن هەموو كۆمان دێ بڤی ڕەنگی بن
كۆما ئێكێ: سێمێل- زاخۆ، تەناهی- ئاكرێ.
كۆما دویێ: سیرۆانی نوو- چەمچەمال، بابان- بازیان، یانەیا خاك چاڤەڕێیە
كۆما سێیێ: شۆرجە- ڕزگاری، كفری- دەربەندیخان، یانەیا شێروانە چاڤەڕێیە.
كۆما چارێ: قەلادزێ- كۆیە، چوارقۆڕنە- ڕانیە.
كۆما پێنجێ: پ- هەولێر- زانكۆی جیهان، ئاڕاڕات- پێشەسازی یانەیا ڕەواندۆز چاڤەڕێیە.
كۆما شەشێ: هەولێر- برایەتی، سۆران- شەقلاوە، یانەیا هندرین چاڤەڕییە.
ل دووڤ ڕێنمایێن هاتینە بەلاڤكرن، فدراسیۆنا فوتبۆلا كوردستانێ دیاركرییە كو یاریێن وان دێ ب شێوەیێ هاتن و چوون هێنە كرن، دو یانە ژ هەر كۆمەكێ دێ دەربازبنە قووناغا دووڤدا، پشتی ب دووماهی هاتنا هەڤڕكیێن كۆما دێ د كۆمبوونەكا تایبەت دگەل یانەیێن سەركەڤتی دێ شێواز و ژڤانێ یاریێن قۆناغا دویێ هێنە دیاركرن.
