زاخۆ پلان بۆ ئارمانجا دویێ دانایە
عەلی حاجی:
د داخویانیەکێ دا سەرپەرشتێ تیما فوتبۆلا یا زاخۆ ئەوا پشکدار د خولا ستێرێن ئیراقێ دا بۆ رۆژنامەیا ئەڤرۆ دیار کر پشتی وان رێزا سێیێ ئێکلا کری د نوکە دا ئەو کارەکێ ب ڕژد دکەن بۆ کۆپا ئیراقێ و خوە بگەهیننە یارییا فینالێ.
زێدەتر حەمید ئیسماعیل گۆت: د کۆپا ئیراقێ دا ئەرکێ یانەیا زاخۆ ب زەحمەترە ژ یانەیێن دیتر ب هەبوونا یانەیێن شورتە و تەلەبە و نەورۆز، لێ مە تیمەکا رێکو پێک هەیە دشێت بەرامبەر هەمی یانەیان هەڤرکیێ بکەت، د نوکە دا ئەم هزر د کوپا ئیراقێ دا دکەین و ئەو ئارمانجان مە یا سەرەکیە و ڕێیەکا باشە ئەم خوە بگەهینە قارەمانیەکا فەرمی یا ئاسیا، بێگومان دەستەیا کارگێریا یانەیا زاخۆ ژی پشتەڤانیەکا باش ل تیمێ دکەت بۆ هندێ ئەم بشێن خوە بگەهیننە یاریا فینالێ.
ناڤبری گۆت ژی: پێدڤییە ڤێ دەلیڤێ ژ دەست نەدەین ژبەرکو باشترین پێنگاڤەکا دیرۆکییە بۆ مە هاتییە و ئەم بشێن کارەکێ باش و ئەنجامەکێ باش ب دەستڤەبینن.
