ڕاهێنەرەك و سێ یاریزانێن دهۆكێ دێ چنە بەحرەینێ
د داخویانیەكێ دا سەرۆكێ فدراسیۆنا ئیراقێ یا یارییا پایسكلان دیار كر د نوكە دا هەردو هەلبژارتیێن ئیراقێ ل سەر ئاستێ لاوان و تازەپێگەهشتییان د كەمپێ ڕاهێنانێ دانە خوە بەرهەڤكرن بۆ هەڤڕكیێن قارەمانییا عەرەبی ئەوا بڕیارە هەڤڕكیێن وێ ل دەستپێكا چرییا ئێكێ یا بهێت ل سلێمانیێ بهێتە كرن و خولا یاریێن ئاسیایی ئەوا دێ ل هەمان مەهـ ل وەلاتێ بەحرەینێ.
لدۆر پشكدارییا نوونەرێن پارێزگەها دهۆكێ د ناڤ پێكهاتیێ ئیراقێ دا، تارق عەبدولرەحمان ڕاهێنەرێ تیما یانەیا دهۆك و هەلبژارتیێ ئیراقێ ل سەر ئاستێ تازەپێكەهشتییان گۆت: ئەز دگەل هەر ئێم ژ ئاڤەند هشیار فەریق، یوسف جیهاد و عیسام عەلی وەكو نوونەرێن پارێزگەهێ دگەل هەلبژارتیێ ئیراقێ دێ پشكداریێ د قارەمانییا عەرەبی دا كەین ئەوا دێ ل پارێزگەها هەلەبچەیا شەهید ل 23ێ مەها چرییا ئێكێ یا بهێت هێتە كرن، د نوكە دا ئەم یێ د كەمپەكێ ڕاهێنانێ دا ل باژێرێ سلێمانیێ هەتا سێی تەمووزێ یا بەردەوامبیت، دووڤدا دێ پلان بۆ كەمپەكێ دێ ژی هێتە دانان.
هەروەسان ناڤهاتی بۆ رۆژنامەیا ئەڤرۆ گۆت: دگەل هەلبژارتیێ تازەپێگەهشتییان شەش یاریزان پشكدارن ژ وانا سێ یاریزانێن مەنە، ل دووڤ بەرهەڤی وئاست و شیانێن یاریزانان من باوەرییەكا باش ب شیانێن یاریزانێن دهۆكێ هەنە، ئەڤ قارەمانییە دەلیڤەیە بۆ یاریزانێن مە ئەو بشێن ئاستێ خوە نیشان بدەن و بۆ قارەمانیێن نێڤدەولەتی ژی ببیتە دەرگەهەكێ دی وەكو یاریزانێن مە یێن دی شیاین ل سەر ئاستێ لاوان وپێشكەڤتیان بگەهنە ئاستێن گۆپیتكێ.
