دیجیتالا ددانان نووترین شێوازێ چاره‌سه‌ركرنا ئاریشەیێن ددانایه
د.رۆژ عزیز ئه‌ترووشی، تایبه‌تمه‌ندێ دیجیتالا ددانان دیاركر كو ژمێژه وه‌ره پێنگاڤێن ئه‌لكترونیكرنا حزمه‌تێن ساخله‌میا ده‌ڤ و ددانان ل جیهانێ ده‌ستپێكرینه و به‌ره به‌ره پێشكه‌فتن ب خۆڤه دیتو و گۆت: دووماهی پێشكه‌فتن ئه‌وه كو ل ڤێ دووماهیێ مه ل پارێزگه‌ها دهۆكێ دانای كو پێكهاتیه ژ ئامیره‌كێ ئه‌لكترونی و كامیره‌كا دیحیتال پێڤه‌یه و ئه‌و كامیره ل شوینا كو به‌ری نوكه ب هه‌ڤیری قالب دهاتنه گرتن، نوكه ب رێیا وێ كامیرێ یه و گۆت: ئه‌و وێنێ هه‌موو ئاریشێن ده‌ڤی و ددانان دگریت و توماردكه‌ت و دكه‌ته فایل د كومپیوته‌ری دا و نه‌خۆش هه‌موو ئاریشێن حۆ دبینیت و دگه‌ل نۆشداری بریارێ دده‌ن چ بۆ بهێته كرن.
د.رۆژ عزیز ئه‌ترووشی، دیاركر كو ژ مفایێن دیجیتالا ددانان ئه‌وه ژبلی ئه‌و ئامیرێ بچووك چ تشتێ دیتر ناچیته دده‌ڤێ نه‌خۆشی دا و ره‌نگه به‌ری نوكه ب رێیا مه‌عجینی قالب بۆ ددانه‌كی یان ته‌خه‌مه‌كا كامل دهاتنه گرتن و دبوو ئه‌گه‌رێ وێ چه‌ندێ كو عێلنجی بۆ نه‌خۆشی په‌یداببن یان ل دووڤ دلێ وی نه‌هێت و شاشی تێدا په‌یداببن، به‌لێ رێیا نوی بۆ نه‌خۆشی یا ب ساناهیه و یاقژتره و هویرتر و بێ ئاریشه قالب دهێنه گرتن و كار زویتر دهێته‌كرن و نه‌خۆش كێمر سه‌ره‌دانا نۆشداری دكه‌ت و ل ده‌مێ دانانێ چ ئاریشه بۆ نه‌خۆشی په‌یدانابن.
هه‌روه‌سا دیاركر كو ل ده‌مێ ب رێیا وی ئامیره‌ی نۆشدار به‌رێخودانێ ل ده‌ڤێ نه‌خۆشی دكه‌ت دێ زانیت په‌یوه‌ندیا ددانێن وی چاوانه و چاوا ددانیته سه‌رئێك و چ جهان بلندی و نزمی تێدا هه‌نه و كیش جهێ ددانی یێ بهێزه كیش یێ بێهیزه و چاوا هێزا هه‌میان دێ وه‌كو ئێك لێهێت و چ جهی كرمیبوون تێدا هه‌یه و پێدڤی ب چ جورێ چاره‌سه‌ریێ هه‌یه و دیسا چ بهێته كرن كو گرنژینا وی جوانتر دیاربكه‌ت و نه‌خۆش ب خو دێ شێت بینیت كا ل ده‌مێ كارێ وی و دیزانیا وی ب دووماهی دهێت دێ چاوا ددانێن وی ده‌ركه‌ڤن و گۆت: دیجیتالا ددانان وه‌كو رێبه‌ه‌ره‌كێ نشته‌رگه‌ریێ یه بۆ نه‌خۆشی و نۆشدارێ ددانان و ئه‌ڤ كاره هه‌می خزمه‌تێن نۆشداریا ددانان ب خوڤه دگریت، وه‌ك پاقژكرن، حه‌شوكرن، سپیكرنا ددانان و چێكرنا ته‌خمێن كامل و چه‌ند ددانه‌كا و دگه‌ل چاندنا ددانان.
