ئیران: دانوستاندنێن ل گەل ئەمریکا چو ئەنجامێن خوە نابن
پەیڤدارێ وەزارەتا دەرڤە یا ئیرانێ دوهی راگەهاند، وان بەری نها داخواز ژ ئەمریکا کرینە گەرەنتیێ بدەت، کو د دەمێ دانوستاندنان دا نابیت ئسرائیل چو ئێرشان بکەتە سەر ئیرانێ، لێ هەتا نها ئەمریکا ب رەنگەکێ ئەرێنی بەرسڤا ئیرانێ نەدایە و ئەو یەک ژی نیشا ددەت دیسان نیەتا ئەمریکا و ئسرائیلێ یا خرابە، ژ بەر ڤێ یەکێ ژی ئیران د رەوشەکا وەسا دا ل گەل ئەمریکا دانوستاندنان ناکەت.
ئیسماعیل بەقایی ئەو یەک ژی دیار کر، هەتا گەرەنتی نەبیت دانوستاندن ژی چو ئەنجامێن خوە نابن و ژ بەر ڤێ یەکێ جارێ ئیران بەرهەڤ نینە ل گەل ئەمریکا چو دانوستاندنان بکەت.
ل ئالیێ دی دۆنالد ترامپ سەرۆکێ ئەمریکا ژی دیار کر، هەلوەستێ ئیرانێ گەلەک خرابە، ئیرانێ دڤێت بەردەوامیێ بدەتە پیتاندنا یۆرانیۆمێ و هەروەسا پەیوەندیێن خوە ل گەل ئاژانسا جیهانی یا ئەتۆمی ژی داینە راگرتن، ل گەل ئسرائیلێ دێ سەبارەت ب ئیرانێ ئاخڤین و دێ یا پێدڤی ژی ل دژی ئیرانێ هێتە کرن، نابیت ئیران ب چو رەنگەکێ ببیتە خوەدانا چەکێن ئەتۆمی.
