نەتانیاهۆ چاڤەرێی پشتەڤانیا زێدە یا ئەمریکا یە
سەرۆک وەزیرێن ئسرائیلێ بەری سەرەدانا ئەمریکا بکەت بۆ دەزگەهێن راگەهاندنێ دیار کر، سەرەدانا وی یا بۆ ئەمریکا گەلەک گرنگە، چونکی ئسرائیلێ دڤێت ب چو رەنگەکێ ئیران نەبیتە خوەدانا چەکێن ئەتۆمی و هەروەسا دڤێت چو مەترسی ژ ئالیێ ئیرانێ ڤە ل سەر ئسرائیلێ نەمینن و وەکو ئسرائیل وان بەری نها ژی دیار کرینە، بەرنامێ ئەتۆمی یێ ئیرانێ مەترسیەکا گەلەک مەزنە بۆ هەموو جیهانێ.
نەتانیاهۆ ئەو یەک ژی دیار، د ئەنجامێ شەڕێ ١٢ رۆژان دا وان شیان ب پشتەڤانیا ئەمریکا دربەکا مەزن ل بەرنامێ ئەتۆمی یێ ئیرانێ بدەن، لێ هێشتا ژی مەترسیا ڤێ یەکێ یا هەی ئیران جارەکا دی بەردەوامیێ بدەتە پیتاندنا یۆرانیۆمێ و ژ بەر ڤێ یەکێ ژی د سەرەدانا ڤێجارێ یا بۆ ئەمریکا دا ئەو دێ بەحسێ ڤان خالان کەن و ئسرائیل چاڤەرێی پشتەڤانیا زێدەتر یا ئەمریکا یە.
