دەهـ ئۆفەر بۆ گۆنزالۆ گارێسیای هاتینە پێشكێشكرن
د ماوەیێ حەفتییەكێ بتنێ دا 10 ئۆفەرێن جودا ژ یانەیێن چەند وەلاتێن ئۆرۆپا بۆ بەهرەمەندێ یانەیا ریال مەدرید یا ئسپانی گۆنزالۆ گارێسیا یێ 21 سالی، لێ یانەیا شاهان ب سانەهی دەستان ژێ بەرنادەت.
ل دووڤ ڕاپۆرتا رۆژنامەیا ماركا یا ئسپانی یانەیێن میلان، یۆڤانتۆس، رۆما ژ ئیتالیا، بایرن میۆنخ، بۆرۆسیا دۆرتمۆند ژ ئەلمانییا، ئارسنال، مانچستەر یۆنایتد، چێلسی و مانچستەر ستی ژ ئنگلتەرا و یانەیا ئەتلەیكۆ مەدرید یا ئسپانی د ماوەیێ ئێك حەفتی دا د دەمێن جودا ئۆفەرێن گران بوهان بۆ یاریزانێ بەهرەمەند یێ ریال مەدرید گۆنزالۆ گارێسیا پێشكێشكریە، لێ یانەیا ریال مەدرید ب هەموو شێوان دێ ڕێگریێ بەرانبەر ڤان ئۆفەران گریت.
گۆزالۆ ئەوێ بوویە جهێ حێبەتییا هەموو پشتەڤانان و یانەیێن پشكدار كو ئێك ژ بچووكترین یاریزان د قارەمانییا مۆندیالا جیهانی 2025ێ دا ئەوا نوكە ل ئەمریكا دهێتە كرن و شیاییە ئاستەكێ نایاب و باش نیشان بدەت و چار گۆلان بینت.
