پلانەكا باش بۆ ڕێگریكرن ل ڕوودانێن خەندقینێ ل زاخۆ هاتیە دانان
زاخۆ، دلۆڤان هالۆ:
موقەدم جەمال هەسن، ڕێڤەبەرێ بەرگرییا شارستانی یا زاخۆ بۆ ڕۆژناما ئەڤرۆ دیار كر، وان وەكو ڕێڤەبەرییا بەرگرییا شارستانی ژ بۆ ڕێگریكرن ل ڕوودانێن خەندقینێ ل سنۆرێ ئیدارا سەربخوە یا زاخۆ، ڕێنمایێن تایبەت دەركرینە، بۆ وان كەسێن سەرەدانا خابیری دكەن چ گەشتیار بن یان وەلاتیێن زاخۆ بن، داكو ژ ڕوودانێن خەندقینێ بهێنە پاراستن.
ڕێڤەبەرێ بەرگرییا شارستانی یا زاخۆ گۆت: «ل دووڤ ڕێنمایێن مە ل گەل دەزگەهێن شولەژێ پلانەكا باش هاتییە دانان، جهێن دەستووردایی بۆ مەلەڤانیان هاتینە دەستنیشانكرن و جهێن قەدەغەكری ژی هاتینە دەستنیشانكرن».
