زانكۆیا دهۆكێ دێ ب رێیا سەنتەرەكێ شیرەتكاری خزمەتا جۆتیارێن ئامێدیێ كەت

زانكۆیا دهۆكێ دێ ب رێیا سەنتەرەكێ شیرەتكاری خزمەتا جۆتیارێن ئامێدیێ كەت

3

ئامێدیێ، مەحمود نهێلی

بۆ پتر خزمەتكرنا جوتیارێن دەڤەرێ ژلایێ زانستی ڤە، زانكۆیا دهۆك یەكەیا شیرەتكاریا چاندنێ ل ئامێدیێ ڤەكر، ئەڤە ژی وەكو پشكەك ژ پلان و ستراتیژیێن زانكۆیا دهۆك یێن گرێدای پشتەڤانیا كەرتێ چاندنێ و خزمەتكرنا جۆتیاران.

د ڤێ دەربارێ دا د. ئەسعەد عەلی، بەرپرسێ یەكەیا شیرەتكاریا چاندنێ دیاركر، ئەڤ یەكەیە ٨ دكتۆران بخۆڤەدگریت، كو سەرەرای بسپۆریێن وان، ل وەلاتێ ئەمریكا راهێنان ل دۆر شیرەتكاریا چاندنێ وەرگرتینە. ئەڤ یەكەیا شیرەتكاری دێ زانینا ئەكادیمی و شارەزاییا جۆتیاران تێكەلكەت بۆ هندێ بیاڤێ چاندنێ ل دەڤەرا ئامێدیێ پتر پێشڤەبچیت.
د. داوود سلێمان ئەترووشی سەرۆكێ زانكۆیا دهۆك خۆشحالیا خۆ دەربڕی كو ل باژێرێ دیرۆكی و جوانێ ئامێدیێ بەرهەڤبووی بۆ راگەهاندنا ڤێ دەستپێشخەریا پێشەنگ و دیاركر «ئەڤە ئێكەمین یەكەیە‌ ژ ڤی جۆری ل هەرێما كوردستانێ، كو پرەكا كردارییە د ناڤبەرا زانینا ئەكادیمی و ژیانا رۆژانەیا جۆتیارێن ماندی نەنیاسێن ڤێ دەڤەرێ‌ دا.
و ئاشكرا كر، هەر دەمەكێ كاریگەریێن وێ دیاربوون، پلان هەنە ل دەڤەرێن دی یێن پارێزگەها دهۆكێ یەكەیێن ژ ڤی جۆری بهێنە دانان.
سەرۆكێ زانكۆیا دهۆك سوپاسیا دەڤەردارێ ئامێدیێ كر بۆ پشتەڤانیا وان، هەروەسا سوپاسیا راگریێن كۆلیژێن زانستێن ئەندازیاریا چاندنێ و پەرروەردا بنیاتا ئامێدیێ و رێڤەبەری و سەندیكا چاندنێ و لیژنا بەرهەڤكار و هەموو جۆتیاران كر ، ژ كۆما 77 كەسێن رەڤاندیێن ئێزدی دناڤ ئێك خێزان دا كارەساتەكا مەزنە چ جاران ناهێتە ژبیركرن و ئەڤە 11 ساڵ ب سەر جینۆسایدا شنگالێ ڤە چوون، هێشتا چارەنڤیسێ سەدان كەسان هەتا نوكە دیارنینە.
بۆ هەڤكاری و پشتەڤانیا وان.
وارشین سەلمان دەڤەردارێ ئامێدیێ خوەشحالیا خوە ب ڤەكرنا ڤێ یەكەیا گرنگ دەربڕی و پشتەڤانیا خوە بۆ سەرئێخستنا ڤێ یەكێ دیاركر و هیڤی خواستن كو جۆتیارێن دەڤەرێ مفای ژێ وەربگرن و سوپاسیا سەرۆكاتیا زانكۆیا دهۆك كر بۆ ڤێ دەستپێشخەریا گرنگ و پێدڤی.
د. شوكری حەجی سالح، راگرێ كۆلیژا زانستێن ئەندازیاریا چاندنێ ل زانكۆیا دهۆك ئارمانجێن سەرەكی یێن ڤی سەنتەری دیاركرن و گرنگیا خورتكرنا بازارێ بەرهەمێن چاندنێ ل دەڤەرێ كر و گۆت»خورتكرنا بازارێ بەرهەمێن چاندنێ، ژ بەرهەمی ب خوە گرنگترە.

کۆمێنتا تە