دەرگەهێ سایلۆیا شێخان بۆ بەرهەمێ جۆتیارێن دەشتا نەینەوا هاتە ڤەكرن
شێخان، بارزان مزووری:
ئەندازیار خالد بیبۆ، رێڤەبەرێ سایلۆیا شێخان بۆ رۆژناما ئەڤرۆ دیاركر، دەرگەهێ سایلۆیا شێخان دوهی 15/7/2025 بۆ وەرگرتنا بەرهەمێ جۆتیارێن دەشتا نەینەوا هاتە ڤەكرن، پشتی جهێ وەرگرتنا بەرهەمێ وان ل سایلۆیا رۆڤیا نەمای و دبێژیت: نوكە جۆتیارێن دەشتا نەینەوا دشێن گەنمێ خۆ رادەستی سایلۆیا شێخان بكەن.
ناڤبری گۆت: «نێزیكی 14 هزار تەنێن گەنمی یێن جۆتیارێن دەشتا نەینەوا ل سایلۆیا شێخان دێ هێنە وەرگرتن».
ئەندازیار خالد بیبۆ زێدەتر گۆت: «97% بەرهەمێ گەنمی یێ جۆتیارێن دەڤەرا شێخان هاتیە وەرگرتن، ب تنێ 600 تەنێن گەنمێ جۆتیارێن شێخان د دەستێن مە دا ماینە».
