بەرپرسێ لقێ 18: پرۆسەیا ئاشتیێ دێ دەڤەرا ئامێدیێ ڤەژینیت
ئامێدیێ، مەحمود نهێلی:
بەهرام عریف یاسین، ئەندامێ كۆمیتا ناڤەندی و بەرپرسێ لقێ 18 یێ پارتی ل ئامێدیێ د سمینارەكێ دا ل ناوچەدارییا دێرەلۆكێ بۆ خەلكێ دەڤەرێ دیار كر، گرنگیا پرۆسەیا ئاشتیێ بۆ ڤێ دەڤەرێ ل هەر جهەكی زێدەترە، ژ بەركو سەرگرتنا ڤێ پرۆسەیێ، دێ دەڤەرێ قەژینیت و دێ بیتە ئەگەرێ ئاڤەدانیێ و ڤەگەریانا خەلكی بۆ سەر گوندێن وانا و گەهاندنا خزمەتگوزارییان بۆ وان دەڤەران.
ناڤهاتی گۆت: «پرۆسەیا ئاشتیێ د ناڤبەرا توركیا و پەكەكێ و گرنگیا سەركەفتنا وێ و كارڤەدانێن وێ یێن ئەرێنی ل سەر هەرێمێ ب گشتی و دەڤەرا ئامێدیێ ب تایبەتی دێ هەبیت».
ل دۆر پێكئینانا كابینەیا نوو یا حكومەتا هەرێما كوردستانێ ژی گۆت: «بزاڤێن پارتی ژ بۆ پێكئینانا حكومەتەكا ئێكگرتی و بهێز و خزمەتكار و د بەردەوامن، دیسا مە باوەریا رەها ب سیاسەتا حەكیمانە یا سەرۆك بارزانی هەیە و بزاڤێن بەردەوامێن حكومەتا هەرێمێ ژ بۆ نەهێلانا ڤێ رەوشێ و دابینكرنا مووچەی و مسوگەركرنا خوشگوزەرانیێ بۆ هەموو كوردستانییان دبەردەوامن، مە باوەری هەیە ئەڤ رەوشە دێ دەرباز بیت».
