یاریزانەكێ پارێزگەهێ دێ پشكداریێ د قارەمانییا عەرەبی دا كەت
ب شێوەیەكێ فەرمی كوڕێ پارێزگەها دهۆكێ و یاریزانێ یارییا تێنسا ل سەر مێزێ پیرس عەلی بۆ ناڤ ڕێزێن هەلبژارتیێ ئیراقێ هاتە هەلبژارتن، پشتی شیایی د ڤاڤارتنێن تایبەت یێن یاریزانێن ئیراقی ل سەر ئاستێ پێشكەڤتیان رێزا دویێ بهێت، د هەڤڕكیێن واندا ئەوا ل پایتەختێ ئیراقێ بەغدا ب پشكدارییا نەهـ یاریزانێن ئاست بلند هاتییە كرن، ژبۆ پێكئینانا هەلبژارتیێ ئیراقێ پێخەمەت پشكداری بۆ قارەمانییا عەرەبی بكەن.
ل دۆر ڤێ یەكێ پیرس عەلی د داخویانیەكێ دا بۆ رۆژنامەیا ئەڤرۆ گۆت: پێخوەشحالم یاریزانێ كوردستانی و خەلكێ پارێزگەهێ شیام ڕێزا دویێ ل سەر ئاستێ ڤاڤارتنێن قارەمانییا ئیراقێ بهێم و جهێ خوە دناڤ ڕێزێن هەلبژارتیێ ئیراقێ دا بكەن خوە بەرهەڤكرن بۆ قارەمانییا عەرەبی ئەوا بڕیارە هەڤڕكیێن وێ ل ئەیلۆنا بهێت وەلاتێ مەغرب مێهڤاندارییا وێ بكەت، ئەڤە ژی دبیتە ئێكەم جار وەكو یاریزانێ پارێزگەهێ بشێم ڤێ ڕێزێ د ڤاڤارتنێن تایبەت بۆ ناڤر ِێزێن هەلبژارتیێ ئیراقێ ب دەستڤە بینم.
ژلایەكێ دووڤە ناڤهاتی ئەوچەندە ژی دیار كرئاستێ قارەمانیێ یێ ب هێز بوو د ناڤبەرا مە نەهـ یاریزانان دا، لێ ل سەر پلا و ئارمانجێن خوە یێ ڕژد بووم، سۆپاس بۆ خودێ كو شیام ب گەهمە وێ ئارمانجا من دڤیایی، بۆ قارەمانییا عەرەبی ژی دێ هەموو بزاڤان كەم وەكو كوردستانیەك ئەنجامێن دلخوەشكەر ب دەستە بینم، پێنەڤێت دێ ڕاهێنان و بەرهەڤیێن باشتر هەبن بۆ هندێ ئاستێ خوە پتر پێشبێخم.
