باخچەلی: دڤێت کوردەک ببیتە جێگرێ سەرۆک کۆمارێ تورکیا
ئیسماعیل سایماز رۆژنامەڤانێ تورکیا راگەهاند بەری چەند رۆژان دەولەت باخچەلی سەرۆکێ پارتا بزاڤا نەتەوەپەرست یا تورکیا د کۆمبوونا سەرکردایەتیا پارتا خوە دا ئاخڤیە و دیار کریە، دڤێت ب کریاری کار بۆ ئاشتیێ و براتیێ د ناڤبەرا کوردان و تورکان دا بهێتە کرن، ژ بۆ ڤێ یەکێ ژی دڤێت سەرۆک کۆمارێ تورکیا دو جێگرێن خوە هەبن، بلا جێگرەک کورد بیت و یێ دی ژی عەلەوی، ئەو یەک ژ بۆ براتیا د ناڤبەرا کوردان و تورکان دا گەلەک گرنگە.
هەمان رۆژنامەڤانی ئەو یەک ژی دیار کریە، دەولەت باخچەلی دڤێت دەولەتا تورکیا ب کریاری کار بۆ چارەسەرکرنا پرسا کوردی بکەت، ل گۆر نێرینا باخچەلی دڤێت ئێدی کورد ببنە پشکەک ژ سیستەمێ نها یێ سیاسی ل تورکیا، دڤێت د سیستەمێ نوو یێ سیاسی دا چو جوداهی د ناڤبەرا کوردان و تورکان دا نەهێتە کرن و دڤێت کورد و تورک پێکڤە تورکیا برێڤە ببەن.
