ئیران: ئەمریکا بەرهەڤیان بۆ ئێرشەکا نوو دکەت
بەرپرسەکێ وەزارەتا دەرڤە یا ئیرانێ، کو نەخواستیە ناڤێ وی بهێتە ئاشکرا کرن بۆ ئاژانسا ئیرنا یا وی وەلاتی دیار کریە، بەری نها ترامپی گەلەک جاران دیار کربوو وان دڤێت هەر زوو ل گەل ئیرانێ دەست ب دانوستاندنان بکەن، لێ ترامپ نها دبێژیت ئەو لەزێ ناکەن، ئەمریکا دڤێت دەمێ دانوستاندنان درێژ بکەت و ئەمریکا نها چاڤەرێی ڤێ یەکێ دکەت هندەک وەلاتێن ئێکەتیا ئۆرۆپا دەست ب سزادانا ئیرانێ بکەن دا وەسا زەمینە بۆ ئێرشەکا نوو ژ ئالیێ ئەمریکا و ئسرائیلێ ڤە خوەش بیت.
هەمان بەرپرسی ئەو یەک ژی دیار کریە، ئیرانێ خوە بۆ هەر ئێرشەکێ بەرهەڤ کریە، ئیران دێ ڤێجارێ ب هەموو شیانێن خوە بەرسڤا ئسرائیلێ دەت و رێ نادەت ئسرائیل و ئەمریکا ئیرانێ لاواز بکەن.
