پارێزگارێ دهۆكێ كۆمبوونەك ل دۆر پاراستنا ژینگەهێ و ساخلەمیێ كر
د. عەلی تەتەر، پارێزگارێ دهۆكێ، ب ئامادەبوونا دەڤەردارێن دهۆكێ، سێمێلێ، ئامێدیێ، شێخانێ، ئاكرێ و بەردەڕەشێ و ڕێڤەبەرێن ناوچەداریێن ئەترووشێ و سەرسنكێ و فەیدیێ و زاویتە و رێڤەبەرێن گشتی یێن پەیوەندیدار كۆمبوونەك ل دۆر رێكار و رێنما و چاڤدێری و قەدەغەكرنا هاڤێتنا بەرمایكان ل تەنشت جادەیان، ب تایبەت ل سنۆرێن جهێن گەشتیاری ئەنجام دا.
پارێزگارێ دهۆكێ د كۆمبوونێ دا هەمی دەڤەردار و ڕێڤەبەرێن ناوچەداریان و دام و دەزگەهێن پەیوەندیدار ڕاسپاردن، كو ب ڕێكا تیمێن تایبەت یێن سازیێن خۆ دووڤچوون و چاڤدێریا هەمی جهان بكەن، دیسا ڕێكار و ڕێنمایێن یاسایی بگرنەبەر و هەر كەسەك یان هەر جهەكێ گەشتیاری بەرمایكان ب هاڤێژیتە رەخ و دۆرێن جادەیان و دول و نهالان ڕوو ب ڕووی سزایێن یاسایی ببیت و سەرجەم وەلاتیێن پارێزگەهێ د دەمێن گەشت و سەیران و خرڤەبوون و هەلكەفتان دا پێگیریێ ب ڕێنمایان بكەن و ژینگەها وەلاتێ خۆ و باژێرێ خۆ ب پارێزن.
