ئسرائیل: دێ ب هەموو رەنگەکی کار بۆ لاوازکرنا شامێ کەین
سەرۆک ئەرکانێ لەشکرێ ئسرائیلێ دیار کر، ئێرشێن گرۆپێن چەکدار یێن سەر ب ئەحمەد شەرعی ل سوەیدا ئەو یەک سەلماند، کو دەستهەلاتا نها یا شامێ مەترسیەکا گەلەک مەزنە بۆ دورزیان، کوردان و پێکهاتەیێن دی یێن ل سووریێ و هەروەسا هەکە ئەحمەد شەرع پێگەهێ خوە ل سووریێ بهێز بکەت دێ رۆژەکێ بیتە مەترسی بۆ ئسرائیلێ ژی.
ئیال زەمیر ئەو یەک ژی دیار کر، چەکدارێن سەر ب ئەحمەد شەرعی کۆمکوژیێن گەلەک مەزن ل سوەیدا ئەنجام داینە و ب سەدان وەلاتیێن سڤیل یێن دورزی هاتینە کوشتن، ئسرائیل ل هەمبەر کریارێن چەکدارێن تیرۆرست بێدەنگ نەما و ئێرشی شامێ کر، د ئەنجاما ئێرشێن ل سەر شامێ دا ژی ئەحمەد شەرع نەچار ما هێزێن چەکدار ژ سوەیدا ڤەکێشیت، ئسرائیل ب چو رەنگەکێ رێ نادەت حوکمەتەکا بهێز ل شامێ هەبیت، چونکی ئەو یەک دێ بیتە مەترسی بۆ ئسرائیلێ و وەکو ئسرائیل ئەو دێ ب هەموو رەنگەکێ کار بۆ لاوازکرنا دەستهەلاتا نها یا شامێ کەن.
