چارەنڤیسێ ب سەدان کەسان ل سوەیدایێ دیار نینە
ناڤەندا چاڤدێریا مافێن مرۆڤی یا سووریێ راگەهاند ژ بەر ئێرشێن ل سەر سوەیدا چارەنڤیسێ نێزیکی ٨٠٠ کەسان دیار نینە، چونکی گرۆپێن چەکدار وەکو داعشێ ئێرشی سوەیدا کرن و گەلەک کەسێن سڤیل کوشتن و هەتا نها ژی چارەنڤیسێ ب سەدان کەسان دیار نینە، ئەو یەک ژی نیشا ددەت یا ل سوەیدا هاتە کرن کۆمکوژی بوو.
ل ئالیێ دی فەرماندارەکێ هێزێن دورزیان ل سوەیدا ژی دیار کریە، دڤێت نەتەوەیێن ئێکگرتی سەبارەت ب کۆمکوژیا ل سوەیدایێ بێدەنگ نەمینیت، چونکی گرۆپێن چەکدار یێن سەر ب شامێ نها ژی دخوازن ئاریشەیان بۆ سوەیدا و باژێرێن دی دروست بکەن، رەفتارێن کو ل سوەیدا ل دژی خەلکێ دورزی هاتە کرن هەمان رەفتارێ داعشێ بوو، مخابن هەتا نها جڤاکێ نێڤدەولەتی ل هەمبەر شامێ بێدەنگە، دڤێت دەستهەلاتا ئەحمەد شەرعی بهێتە شەرمزار کرن و رێ نەهێتە دان جارەکا دی چەکدارێن سەر ب ئەحمەد شەرعی ل سووریێ خەلکێ سڤیل بکوژن.