ئێدی یەپەگە هەڤپەیمانا ئەمریکا یە
تۆم باراک نوونەرێ تایبەت یێ ئەمریکا بۆ کاروبارێن سووریێ دوهی دیار کر، ئێدی یەپەگە چو پەیوەندیا وێ ل گەل پەکەکێ نینە، یەپەگە نها هێزەکا هەری کاریگەرە ل سووریێ و د شەڕێ ل دژی داعشێ دا گەلەک قوربانی داینە و نها یەپەگە هەڤپەیمانا ئەمریکا یە ل سووریێ و چو پەیوەندیا وێ ل گەل پەکەکێ ژی نینە.
نوونەرێ سەرۆکێ ئەمریکا ئەو یەک ژی دیار کر، نها فەرماندارێ هەسەدێ مەزلوم عەبدی بەردەوام ل گەل هاکان فیدان وەزیرێ دەرڤە یێ تورکیا د پەیوەندیێ دایە و وەکو ئەمریکا وان دڤێت تورکیا و هەسەدە ل گەل شامێ هەموو پرسێن هەی چارەسەر بکەن، چونکی ئارامیا ل سووریێ ژ بۆ ئەمریکا ژی گەلەک گرنگە، نها کارێن باش دهێنە کرن و هەکە چو ئالۆزیێن نوو روو نەدەن دێ د دەمەکێ نێزیک دا گوهۆڕینێن باش و مەزن ل سووریێ روو دەن و ئەو یەک د بەرژەوەندیا هەموو خەلکێ سووریێ دایە.
