هێزا دویێ بۆ یاریێن وەرزشی پشتەڤانن
نەهلا ئەحمەد
د وەرزشێ دا گەلەك جورێن یارییان هەنە لێ یارییا فوتبۆلێ ل جیهانێ پلا ئێكێ دهێت بۆ پشتەڤانان ئانكۆ پترین پشتەڤان هەنە ل هەمی وەلاتان، بێ گومان ئەم كوردستانێ ژی ب تایبەت خەلكێ بەهدینان بێ بەهر نینین ئانكۆ لدەڤ مە ژی پلا ئێكە، لڤێرێ من دڤێت بێژم وەكۆ پشتەڤان ئێدی هزرا خۆ د یاریێن دی یێن وەرزشی دا بكەین نموونە یارییا باسكێت بولێ كو ب راستی ژی دشێم بێژم ئەڤ یارییە ل ئیدارا سەربەخۆ یا زاخۆ گرنگی پێ دهێتە دان وەك تیم لێ وەكۆ پشتەڤانیێ یارییا فوتبۆلێ گرنگی پێ ناهێتە دان، مخابن یارییا ناڤهاتی ل پارێزگەها دهۆكێ بەر ب نەمانێ ڤە چۆ بوو لێ خۆشبەختانە بو دەمێ دو سالایە یانەیا دهۆك خۆ لێ دكەتە خۆدان، دڤێت ئەڤێ یاریێ وەكی یافوتبۆلێ گرنگی بدانن، هەكە بەحسی یارییا ڤولی بۆلێ بكەین ژبلی یانەیا سەنحاریب ئەو تاكە یانەیە ب راستی ژی یا كچێن هەرەباش یێن وەرزشڤان درست دكەت و ئێكەمین یانەیە ل سەر ئاستێ پارێزگەها دهۆكێ گرنگیێ ب یارییا ناڤهاتی ددەت و بەلگە ژی بەری چەند رۆژان ناسناڤێ قارەمانییا ئیراقێ بدەستخوڤە ئینا، ئەز باوەرم ئەگەر ئەم پشتەڤان بین یانەیا ناڤهاتی دێ یارییا باسكێت بولێ و تەپا دەستی ژی گەهیننە گوپیتكێ، لێ ب مخابنی ڤە پشتەڤانییا مە بۆ فوتبۆلێ هەی یاریێن دی ژ بیرا مە برینە نموونە تەپا دەستی، هەروەسان پایسكلان ئەوێن قارەمانییا ئیراقێ یا پایسكلان ل سەر ئاستێ لاوان دەستڤەئیناین و ئاستێ پشكۆژان یاریزانێن وێ بووینە قارەمان، ئەگەر باس ل یارییا تیكۆنجتسۆیێ بكەین ئەوێن بەری حەفتیەكێ كچێن یانەیا ئافرەتێن دهۆكێ رێزێن ئێكێ بدەستخوڤە ئینان لێ ب مخابنی ڤە سەرەرای بێی پشتەڤانیەكا ماددی یا كێم ئەم وەك پشتەڤانێن وەرزشێ ژ بۆ وان نابینە پشتەڤانێن مەعنەوی بەرامبەری وێ پشتەڤانیا مە بۆ یارییا ڤۆلی بۆلێ هەی، ئەگەر بەحس ل یارییا تێنسێ بكەین چ تێنسا لسەر مێزێ بیت یان ژی تێنسا ئەردی بیت دیسان دێ بێژم بە داخەوە ژبلی یانەیا دهۆك مە چ یانەیێن دی نینن خۆ ل ڤێ یاریێ بكەنە خۆدان و پشتەڤانبن سەرەرای كو یارییا ناڤبری یاریزان و ڕاهێنەرێن باش ل پارێزگەها دهۆكێ هەنە، ژ بۆ هندێ كۆ پارێزگەها دهۆك ببیتە هێمایێ هەمی جورێن یاریێن وەرزشی بلا ئەم بەس پشتەڤانێن یارییا فوتبۆلێ نەبین وەرن پێكڤە پشتەڤانییا هەمی یارییان بكەین و بۆ هەمی كەسان دیار بكەین كو مە یاریزانێن باش یێن هەمی یارییان هەنە و یاریزانێن مە دەستكەفتیێن باش ل سەر ئاستێ ئیراقێ بدەستخۆڤە ئیناینە و بەردەوامن.
