775 دەرچوویێن كۆلیژێن نۆشداری دێ هێنە دامەزراندن
رەمەزان زەكەریا:
حكومەتا هەرێما كوردستانێ ئاشكرا كر، دوهی 1/9/2025 مەسرور بارزانی، سەرۆكێ حكومەتا هەرێما كوردستانێ، فەرمانا دامەزراندنا دەرچوویێن كۆلیژێن نۆشداری یێن زانكۆیێن (سلێمانی، هەولێرا پزیشكی، دهۆك، زاخۆ، كۆیە، گەرمیان، زانكۆی كوردستان) دەركر، كو هژمارا وان 775 دەرچوویێن سالا خویندنێ 2023 – 2024ێ نە ل سەر میلاكێ وەزارەتا ساخلەمیا حكومەتا هەرێما كوردستانێ ب ناڤونیشانێ مووچە و دەرمالەیێ شایستە ل سەر داهاتێ ناڤخۆیێ حكومەتا هەرێما كوردستانێ.
حكومەتا هەرێما كوردستانێ ئاشكرا ژی كریە كو ئەڤ فەرمانە ژ بەر پێدڤیا زۆرا دام و دەزگەهێن ساخلەما هەرێما كوردستانێ ب راژەیا نۆشداری و نیشتەجێیا خولاو دەرچوویە.
