ئۆکرانیا: پۆتین دەمی بۆ بەرژەوەندیێن خوە بکار دئینیت
سەرۆکێ ئۆکرانیایێ دیار کر، ئارمانجا پوتینی ئاشتی نینە، پوتینی دڤێت دەمی بۆ بەرژەوەندیا خوە بکار بینیت و دەست ب ئێرشێن دژوارتر ژ جاران ل دژی ئۆکرانیایێ کریە، ژ بەر ڤێ یەکێ ژی دڤێت ناتۆ و ئەمریکا ل گۆر راستیا نها بزاڤێ بکەن و چاڤەرێ ڤێ یەکێ نەبن دێ پوتین بریارا راگرتنا شەڕی دەت.
زیلێنسکی ئەو یەک ژی دیار کر، ئەو ب چو رەنگەکێ ژ بۆ دانوستاندنان ناچیتە موسکو و نابیت رۆسیا داخوازیەک وەسا ژی بکەت، دڤێت دانوستاندن ل وەلاتەک دی بهێنە کرن و ئۆکرانیا ژ بۆ دانوستاندنان یا بەرهەڤە.
چاڤدێرێن سیاسی ژی وەسا دبینن وەلاتێن رۆژئاڤایی دخوازن شەڕێ ل ئۆکرانیایێ بەردەوام بیت، چونکی رۆسیا هەتا پشکەک مەزن ژ ئاخا ئۆکرانیایێ ژێ جودا نەکەت بریارا راگرتنا شەڕی نادەت و ئەو یەک دێ بیتە ئەگەرێ بهێزبوونا رۆسیا و مەترسیەکا مەزنە بۆ وەلاتێن ئێکەتیا ئۆرۆپا.
