ئیران هەلوەستێ خوە بەرامبەری ئەمریکا دگوهۆڕیت
وەزیرێ دەرڤە یێ ئەمریکا دیار کر، وان دڤێت ل گەل ئەمریکا دەست ب دانوستاندنان بکەن و پرسێن هەی چارەسەر بکەن، لێ گرنگە ئەمریکا باوەریێ بدەت و د دەمێ دانوستاندنان دا چو ئێرشێن سەربازی ژی نەهێنە کرن، هەکە ئەمریکا یا رژد بیت ب رێیا دانوستاندنان پرسێن هەی بهێنە چارەسەرکرن ئیرانێ ژی چو ئاریشە ل گەل هندێ نینن لێ گرنگە هەلوەستێ ئەمریکا جهێ باوەریێ بیت.
چاڤدێرێن سیاسی ژی دیار دکەن، ئەگەرێ ئێرشەکا نوو یا سەربازی ل دژی ئیرانێ هەیە، چونکی ئسرائیل بەرهەڤیێن خوە دکەت و هەکە ئەمریکا رازی بیت ئسرائیل دێ جارەکا دی ئێرشی ئیرانێ کەت، ژ بەر ڤێ یەکێ ژی ئیرانێ دڤێت ب رێیا دانوستاندنان رێگریێ ل ئێرشەکا نوو یا ئسرائیلێ بکەت، چونکی ئیران د رەوشەکا گەلەک خراب دایە و ب تایبەتی ژی رەوشا ئابووری یا ئیرانێ گەلەک خرابە و هەکە شەڕەک نوو روو بدەت دێ ئەو یەک بیتە ئەگەرێ ئالۆزیێن مەزن ل ئیرانێ و دبیت خەلک ل دژی دەستهەلاتێ دەست ب خوەنیشادانان بکەن.
