فەستیڤالا بەرهەمێن خۆمالی ل ئاكرێ دێ هێتە ئەنجامدان
رەمەزان زەكەریا:
بڕیارە بۆ جارا دویێ فەستیڤالا بەرهەمێن خۆمالی ل دەڤەرداریا ئاكرێ بهێتە كرن و بەرهەمێ خۆمالیێ جیتیارێن دەڤەرێ تێدا بهێتە نیشادان و فەستیڤال ببیتە سالانە.
ئەندازیار فازل مستەفا، رێڤەبەرێ چاندنا ئاكرێ بۆ رۆژناما ئەڤرۆ گۆت: «ئاكرێ ب كەرتێ چاندنێ و بەرهەمێ خۆمالی یا ناڤدارە، لەورا مە بەری چەندین سالان هزر د ڤەكرنا فەستیڤالا بەرهەمێن خۆمالی دا كریە، جارا ئێكێ پێشوازیەكا باش لێ هاتە كرن و جۆتیارێن دەڤەرێ هەموویان بەرهەمێن خۆ تێدا نیشادان».
ناڤبری گۆتژی: «بڕیارە ئەڤ سالە، ل رۆژێن 18 و 19 و 20/9/2025 فەستیڤالا دویێ یا بەرهەمێن خۆمالی ل ئاكرێ بهێتە گێڕان، تێدا بەرهەمێ خۆمالیێ جۆتیاران بهێتە نیشادان، ل دەمێ فەستیڤالا ئێكێ هاتیە ڤەكرن، پێشوازیەكا باش لێ هاتە كرن و هەژمارەكا زۆر یا وەلاتیان و گەشتیاران سەردانا فەستیڤالێ كربوو».
