دو نەخوەشخانە ل زاخۆ دهێنە دروستكرن
زاخۆ، دلۆڤان هالۆ:
جگەرخوین تاهر، ڕێڤەبەرێ گشتی یێ وەبەرهێنانێ ل ئیدارا سەربخوە یا زاخۆ بۆ ڕۆژناما ئەڤرۆ دیاركر كو وان مۆلەت دایە ئاڤاكرنا دو نەخوەشخانەیێن تایبەت و دبێژیت: ئەو دو نەخوەشخانە نوكە ل ئیدارا سەرخوە یا زاخۆ دهێنە دروستكرن.
ڕێڤەبەرێ گشتی یێ وەبەرهێنانێ ل ئیدارا سەربخوە یا زاخۆ، ئاماژە ب وێ چەندێ ژی كر كو ئێك ژ وان نەخوەشخانەیان بناڤێ نەخوەشخانا وەرید یا تایبەتە ل دەشتمرێ دهێتە دروستكرن، نەخوەشخانا زاخۆ یا تایبەت ژی ل بەرامبەر نیۆ زاخۆ دهێتە دروستكرن و گۆت: «ل دەمەكێ نێزیك ئەڤ هەردو نەخوەشخانە دێ ب دووماهی هێن و كەڤنە د خزمەتا وەلاتیان دا».
