گەورێ یوسف گرێبەستا ئافرەتێن دهۆكێ ئیمزاكر
د داخویانیەكێ دا سەرۆكێ یانەیا ئافرەتێن دهۆكێ بۆ رۆژنامەیا ئەڤرۆ دیاركر ب فەرمی ئەوان گرێبەستا یاریزانا بەهرەمەند گەورێ یوسف حەجی ئیمزاكر ژبۆ پشكداریێ د گەل تیما مە یا فوتسالێ خوە بەرهەڤكرن بۆ قارەمانیێن پارێزگەهێ، كوردستانێ و ئیراقێ.
زێدەتر سەردار سالح گۆت: پشتی ژلایێ ڕاهێنەرێ تیما مە ئاراز سالح یاریزان گەورێ یوسف كەفتیە ل بن تاقیكرنێن ڕاهێنانێ دا و ڕازیبوون ل سەر هاتیە كرن، ب فەرمی مە گرێبەستا وێ ئیمزاكر كو دێ بیتە ئێك ژ یاریزانێن تیما مە بۆ چالاكیێن بهێت یێن قارەمانییا پارێزگەها دهۆكێ، خولا فوتسالا كچێن كوردستانێ و قارەمانییا ئیراقێ، پێنەڤێت ئەڤ پێنگڤە ژی وەكو دەرێژەپێدانە ل دووڤ بەرنامەیێ مە یە ژبۆ زێدەتر پشتەڤانی و پێشئێخستنا ئاستێ وەرزشا كچان و بلندكرنا ئاستێ یانەیێ.
هەروەسان ناڤهاتی گۆت: ئەم چاڤەڕێ نە سوبەهی تیما مە پشكداری د قارەمانییا فوتسالا پارێزگەها دهۆكێ دا بكەن، بەرهەڤیێن باش هاتینە كرن، ئەڤ قارەمانییە بۆ مە وەكو قەرەبوویە بەرانبەر قارەمانییا پیلستانگ ل سەر ئاستێ كوردستانێ ئەوا ژبەر چەند ئەگەرێن نە دیار هاتیە هەلوەشاندن ژبەركو مە بەرهەڤیێن باش بۆ كربوون، ب هیڤی نە هەڤڕكیێ بۆ ناسناڤێ قارەمانیێ بكەین.
