114 هزار ترومبێل هاتینە د ناڤ بازاڕێن هەرێما كوردستانێ دا
زنار تۆڤی:
رێڤەبەرێ گشتییێ بازرگانی ل هەرێمێ ئاشكرا كر، ئەڤ سالە، مەهانە پتر ژ 14 هزار ترۆمبێلان، هاتینە د ناڤ هەرێما كورستانێ دا.
نەوزاد شێخ كامل، رێڤەبەرێ گشتییێ بازرگانی ل وەزارەتا بازرگانی و پیشەسازییا هەرێما كوردستانێ بۆ رۆژناما ئەڤرۆ دیار كر، د هەشت مەهێن ئەڤ سالە دا پتر ژ 114 هزار ترۆمبێلان ل دەرگەهێن نێڤدەولەتی یێن هەرێما كوردستانێ هاتینە د ناڤا بازاڕێن هەرێما كوردستانێ دا، هەروەسا هەتا دوماهیا مەها هەشت یا ئەڤ سالە پتر ژ 500 مۆلەتێن بازڕگانی هاتینەدان بۆ وان كۆمپانیێن ترۆمبێلان دئیننە هەرێما كوردستانێ.
ناڤهاتی گۆت: «ئەو ترۆمبێلێن ئیناینە بازاڕێن هەرێمی، یێن وەلاتێن جودا یێن جیهانێنە، ژ وان ژی: (ئەمریكی، فرەنسی، بریتانی، ئەلمانی، چینی، ژاپۆنی، كۆری)، دیسا سالانە پتری 120 هزار ترۆمبێل بۆ هەرێما كوردستانێ دهێنە ئینان».
