كۆمسیۆن: 10 هزار فەرمانبەر ل دهۆكێ دێ هێنە دامەزراندن
دهۆك، لەزگین جۆقی:
كۆمسیونا بلندا سەربخۆ یا هەلبژارتنان ل دهۆكێ راگەهاند، تیروپشك بۆ دامەزراندنا 10 هزار فەرمانبەران دێ هێتە كێشان و ئەو فەرمانبەرە دێ هەلبژارتنێن جڤاتا نوونەرێن ئیراقێ ل دهۆكێ برێڤەبەن.
خالد عەباس، بەرپرسێ ئوفیسا دهۆكێ یا كومسیۆنا بلندا سەربخۆ یا هەلبژارتنان بۆ ئەڤرۆ گۆت: «بۆ ڕۆژا دەنگدانێ، پارێزگەها دهۆكێ پێدڤی ب 10 هزار فەرمانبەران هەیە بۆ بڕێڤەبرنا هەلبژارتنێن پەرلەمانێ ئیراقێ، ل نێزیك تیروپشك دێ هێتە كێشان بۆ وەرگرتنا فەرمانبەران».
گۆتژی: «ل دهۆكێ 27 هزار كەسان داخوازیێن خۆ پێشكێش كرینە، كو ببنە فەرمانبەر بۆ رۆژا هەلبژارتنێن پەرلەمانێ ئیراقێ، لێ مە پێدڤی ب 10 هزار فەرمانبەران هەیە».
