ژ لایێ تەكنیكا دەنگی ڤە ئەم د پێشكەفتی نە
هەرهین محەمەد:
سترانبێژ (سامی جەلال) ددیدارەكێ دا بۆ رۆژنامەیا ئەڤرۆ دیاركر، دەمەكە ئەو مژوولی سترانەكا نوو یە ب ناڤێ (مەتحێ رەسول) و ل ستودیۆیا (سیداد قەدری) هاتیە تۆماركرن و ب شێوەیێ گرافیك هاتیە چێكرن و ل رۆژا ژدایكبوونا پێغەمبەری (س،خ) ل سەر بن هاتبوو بەلاڤكرن.
ناڤهاتی گۆت: سترانگۆتنێ رەوشەتەكێ جوان ل من زێدەكریە، چونكو ئەو ستایلێ ئەز ب رێڤەدبەم و ل سەر دچم هەموو رەوشت تشتێن باشە بۆ مرۆڤایەتیێ و دووماهیا مرۆڤی و سترانبێژێ سرودێن ئاینی جوداهیا خوە هەیە ل گەل سترانا دلداری ژلایێ پەیڤ و گۆتنێ و ئەڤە تشتەكێ روحیە دناڤبەرا مرۆڤی و خودێ دا و راستە سترانا ئاینی گەلەك یا كێمە و بتنێ ل هەلكەفتێن ئاینی دهێتە گۆتن و چێكرن و نا بینم من ئەو ڤالاهیە یا تژی كری، بەلێ یا گرنگە سترانبێژێن مە سترانا ئاینی بێژن، ژبەركو دجڤاكێ مەدا تەخا موسلمانان ل پلەیا ئێكێ دهێت و دبینم ئەو ڤالاهیی هەیە كو سترانا ئاینی یا كێمە و هندی بشێم سترانان بێژم دێ ل سەر سرود و سترانێن ئاینی یێ بەردەوام بم و بۆ من یا گرنگ نینە سترانان ل گەل هونەرمەندێن عەرەب یێن ئاینی ستران و سرودا بێژم، چونكو مە ب خوە دەنگێن خۆش هەنە و ژلایێ تەكنیكا دەنگی ژی ڤە ئەم دپێشكەفتی نە.
